காமன்வெல்த் வீரர்களுடன் மோதிய அதர்வா..!

அதர்வா நடிக்கும் ‘ஈட்டி’ படத்தை ரவி அரசு என்பவர் இயக்கியிருக்கிறார். இப்படத்தில் தடை ஓட்ட பந்தய வீரராக நடித்திருக்கிறார்.

முறையான பயிற்சி இல்லாமல் தடை ஓட்ட பந்தய வீரராக நடிக்க முடியாது என்பதற்காக அதர்வா, இப்படத்தில் நடிப்பதற்கு முன் சுமார் மூன்று மாதங்கள் நாகராஜ் என்பவரிடம் பயிற்சி எடுத்து கொண்டிருக்கிறார்.

நாகராஜ் காமன்வெல்த் போட்டியில் கலந்துகொண்ட இந்திய தடை ஓட்டப் பந்தய வீரர்களுக்கு பயிற்சி அளித்தவராம். இப்படத்தில் இறுதி காட்சியில் நடைபெறும் தடை ஓட்ட போட்டியை பெங்களூரில் படமாக்கி இருக்கிறார் இயக்குனர் ரவி அரசு.

இந்த போட்டியில் அதர்வாவுடன் ஓடிய சக வீரர்களாக காமன்வெல்த் போட்டியில் கலந்துகொண்ட நிஜ வீரர்களையே நடிக்க வைத்துள்ளனர். இந்த காட்சி கண்டிப்பாக ரசிகர்களை பரவசப்படுத்தும் என படக்குழுவினர் நம்பிக்கை தெரிவிக்கின்றனர்.

‘ஈட்டி’ படம் வருகிற டிசம்பர் 4-ந் தேதி உலகமெங்கும் வெளியாகவிருக்கிறது. காதல், ஆக்‌ஷன், காமெடி, செண்டிமெண்ட், சஸ்பென்ஸ் என அத்தனை விஷயங்களும் இப்படத்தில் இருக்கிறது.

குளோபல் இன்போடெயின்மெண்ட் நிறுவனம் சார்பில் மைக்கேல் ராயப்பன் இப்படத்தை தயாரித்துள்ளார்.

Posted in: சினிமா