6:38 PM
மகிழ்
பாபி சிம்ஹா நடித்து சமீபத்தில் வெளியாகி இருக்கும் படம் உறுமீன். இந்த படத்தில் ராஜ சிம்மன், செழியன், செல்வம் என்ற மூன்று கேரக்டர்களில் நடித்துள்ளார். இந்த மூன்று கேரக்டர்களிலுமே அவர் ரஜினியின் சாயலில் நடித்துள்ளார் என்கிற விமர்சனம் எழுந்துள்ளது. மன்னர் ராஜ சிம்மன் கேரக்டர் கோச்சடையானையும், செழியன் கேரக்டர் முள்ளும் மலரும் காளியையும், செல்வம் கேரக்டர் தில்லு முல்லு கேரக்டரையும் நினைவு படுத்துவதாக கூறுகிறார்கள்."பாபி சிம்ஹாவின் கண்களும், மூக்கும் ஓரளவுக்கு ரஜினியின் சாயலில் இருப்பது உண்மைதான். அதற்காக அவர் ரஜினி மாதிரி நடிப்பது அவரது வளர்ச்சிக்கு சிறிதும் உதவாது. பல ஆண்டுகளுக்கு முன்பு ரஜினி சாயலில் நடிக்க வந்தவர் நளினிகாந்த், ரஜினி கால்ஷீட் கிடைக்காதவர்கள் சிலர் அவரை ஹீரோவாக்கினார்கள். என்றாலும் ரஜினிக்கு முன்னால் அவர் காணாமல் போனார். ரஜினி சாயலில் பாபி சிம்ஹா தொடர்ந்து நடித்தால் அவருக்கும் நளினிகாந்த் நிலை ஏற்படும் வாய்ப்பு இருக்கிறது" என்கிறார்கள் சினிமா பார்வையாளர்கள்.
Posted in: சினிமா
0 comments:
Post a Comment